รูปธาตุยา อรูปธาตุยา ตโต อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปริชานาติ, โน จ ตโต กามราคานุสยญฺจ ปฏิฆานุสยญฺจ ปริชานาติฯ กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปริชานาติ, โน จ ตโต ปฏิฆานุสยญฺจ ภวราคานุสยญฺจ ปริชานาติฯ ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ปริชานาติ, โน จ ตโต กามราคานุสยญฺจ มานานุสยญฺจ ภวราคานุสยญฺจ ปริชานาติฯ (ฉกฺกมูลกํ)

(ค) อนุโลมปุคฺคโลกาสา

[220] (ก) โย ยโต กามราคานุสยํ ปริชานาติ โส ตโต ปฏิฆานุสยํ ปริชานาตีติ? โนฯ

(ข) โย วา ปน ยโต ปฏิฆานุสยํ ปริชานาติ โส ตโต กามราคานุสยํ ปริชานาตีติ? โนฯ

(ก) โย ยโต กามราคานุสยํ ปริชานาติ โส ตโต มานานุสยํ ปริชานาตีติ?

ตเทกฏฺฐํ ปริชานาติ ฯ

(ข) โย วา ปน ยโต มานานุสยํ ปริชานาติ โส ตโต กามราคานุสยํ ปริชานาตีติ? โนฯ

โย ยโต กามราคานุสยํ ปริชานาติ โส ตโต ทิฏฺฐานุสยํ…เป.… วิจิกิจฺฉานุสยํ ปริชานาตีติ? โนฯ

โย วา ปน ยโต วิจิกิจฺฉานุสยํ ปริชานาติ โส ตโต กามราคานุสยํ ปริชานาตีติ?

อฏฺฐมโก ทุกฺขาย เวทนาย รูปธาตุยา อรูปธาตุยา โส ตโต วิจิกิจฺฉานุสยํ ปริชานาติ, โน จ โส ตโต กามราคานุสยํ ปริชานาติฯ สฺเวว ปุคฺคโล กามธาตุยา ทฺวีสุ เวทนาสุ โส ตโต วิจิกิจฺฉานุสยํ ปริชานาติ, กามราคานุสยํ ตเทกฏฺฐํ ปริชานาติฯ

(ก) โย ยโต กามราคานุสยํ ปริชานาติ โส ตโต ภวราคานุสยํ ปริชานาตีติ? โนฯ

(ข) โย วา ปน ยโต ภวราคานุสยํ ปริชานาติ โส ตโต กามราคานุสยํ ปริชานาตีติ? โนฯ

(ก) โย ยโต กามราคานุสยํ ปริชานาติ โส ตโต อวิชฺชานุสยํ ปริชานาตีติ?

ตเทกฏฺฐํ ปริชานาติฯ